Sekretari i Nisma-s, Bilall Sherifi ka postuar një fotografi në rrjetin e tij Facebook nga dialogu Kosovë – Serbi.
Në këtë fotografi pala serbe e kryesuar nga Ivica Daçiq ka para vetës dokumente, ndërsa pala kosovare e kryesuar nga presidenti Hashim Thaçi është “duarthatë”.
Sipas Sherifit, thënia “Një foto vlen sa 1000 fjalë” në këtë rast merr kuptim të plotë.
Lexo postimin e plotë të Bilall Sherifit në Facebook:
“Thënia “Një foto vlen sa 1000 fjalë” në këtë rast merr kuptim të plotë.
Kjo foto besoj shpjegon mjaftueshëm arsyen pse nga procesi i dialogut të qeverisë së Kosovës me atë të Serbisë në Bruksel, të gjitha marrëveshjet që janë arritur atje kanë rezultuar në dëm të Kosovës.
Kjo foto shpjegon arsyet pse i kemi marrëveshjet e dëmshme për Kosovën sikur që janë ajo për:
Fusnotën
Asociacionin
Telekominikacionin
Energjinë
Dhe kjo e fundit e cila e solli MURIN që e bën edhe faktikisht ndarjen e Mitrovicës.
Janë po këto arsye që kanë sjellë edhe marrëveshjen për demarkacionin me Malin e Zi!
Për këto dhe shumë arsye tjera, deputetët e NISMA për Kosovën nuk do të marrin pjesë në seancën e nesërme të Kuvendit të Kosovës në të cilën Hashim Thaçi, në cilësinë e presidentit, do të flasë para deputetëve!”, shkruan ai.
