Deputeti i Kuvendit të Kosovës nga radhët e Alternativës, Ilir Deda përmes një postimi në facebook, ka shkruar se Kosova gjendet në prag të izolimit për shkak të udhëheqjes së shtetit.
Deda ka komentuar lajmin për refuzimin e vizës nga Amerika për kryeministrin e Kosovës, Ramush Haradinaj.
Ai ka thënë se kjo është vetëm një hap drejt izolimit, ku ka paralajmëruar se izolimi i plotë i Kosovës ende nuk ka filluar.
“Bota nuk funksionon me logjikën e veprimit si në “bahçe të babës”. Refuzimi i vizave është vetëm një hap drejt izolimit të udhëheqësve të Kosovës. Ka edhe masa të tjera që mund të mirren nëse kjo udhëheqësi nuk zbrapset nga theqafja. Izolimi i plotë i Kosovës ende nuk ka filluar, ku çmimin më të madh do ta paguanin qytetarët e Kosovës”, ka shkruar Deda, përcjellë “Bota sot”.