Kryetari i Lidhjes Demokratike të Kosovës, Isa Mustafa, qe një javë është duke qëndruar në njërin prej Spitaleve në Kosovë, përcjell “Bota sot”.
Për gjendjen e tij shëndetësore, në media është raportuar edhe sot. Aty thuhet se gjendja e kryetarit të LDK-së është komplikuar tej mase.
E për këtë, “Bota sot” ka kontaktuar edhe njeriun më të afërt të ish-kryeministrit Isa Mustafa.
Nënkryetari i LDK-së, Agim Veliu, në një prononcime për “Bota sot”, ka thënë se gjendja shëndetësore e kryetarit të Lidhjes Demokratike të Kosovës (LDK), Isa Mustafa, është e mirë dhe nuk ka vend për alarmim.
“Jemi në kontakt të vazhdueshëm me kryetarin Isa Mustafa. Gjendja e tij shëndetësore është e mirë dhe nuk ka vend për alarmim. Po e përsërisë, gjendja e tij është duke u përmirësuar”, tha Veliu.
Nënkryetari i LDK-së ka hedhur poshtë gjithë informacionet rreth gjendjes së Musafës, duke thënë se ato janë spekulime të mediave.
“Jo-jo, raportimet e fundit janë vetëm spekulime të mediave, sepse gjendja e tij është në përmirësim të vazhdueshëm”, përfundoi Agim Veliu për “Bota sot”.
