Drejtori ekzekutiv i kompanisë amerikane Tesla, me gjasë e ka befasuar edhe veten.
Duke komunikuar përmes rrjetit social X, ka numëruar detajet më të rëndësishme që kanë të bëjnë lidhur me lansimin e veturës së re Tesla Roadster.
Tesla rriti rrënjësisht qëllimet e projektimit për këtë produkt.
Nuk do të ketë kurrë një veturë si kjo, nëse mund ta quani veturë.
0-100 km/h për 1 sekondë, dhe kjo nuk është aq interesante.
Ndoshta do të fluturojë pak.
Në bashkëpunim mes Tesla dhe SpaceX.
Dizajni i prodhimit është gati.
Do të zbulohet këtë vit.
Do të jetë në dispozicion vitin e ardhshëm.
Do të jetë raketë mbi rrota.
Ka potencialin të jetë gjëja më e çmendur ndonjëherë.
Më 16 nëntor 2017 Tesla prezantoi gjeneratën e dytë të Roadster. Sot është 28 shkurt 2024, dhe vetura sportive elektrike ende nuk është shfaqur.
Megjithatë, pritja pothuajse ka përfunduar nëse i besohet shefit të Tesla-s. Musk hapi platformën e tij të mediave sociale X (ish Twitter) për të diskutuar për veturën elektrike të shumëpritur me performancë të lartë.
Duke marrë parasysh që kanë kaluar rreth gjashtë vjet e gjysmë që nga prezantimi i Roadster-it, është koha t’i hidhet një vështrim tjetër specifikimeve teknike që premtoi Tesla.
Fillimisht pretendohej të arrinte 100 km/h në 1.9 sekonda dhe të përshpejtonte nga 0-160 km/h në 4.2 sekonda, me një çerek milje prej 8.8 sekondash.
Vetura që bën tërheqje me të katër rrotat premton të kalojë 400 km/h dhe të përshkojë një mijë kilometra me një karikim të vetëm të baterisë.
