Gjithnjë të pasionuar pas veturave të bukura, yjet e muzikës shpesh habisin jo vetëm nëpër koncerte apo festime, por edhe në ankande të mëdha të veturave për koleksion.
Dy legjenda të rokut si Rod Stewart dhe bateristi i grupit U2, Adam Clayton, pushtuan krejtësisht ankandin “Classic & Sports Car Show” të organizuar nga “Coys” në Londër në “Alexandra Palace” më 29 tetor.
Nga grazhdi i Rod Stewart u shfaq një “Lamborghini P400S Miura” e vitit 1971, që u shit 909 000 sterlina, pak më shumë se 1,1 milionë euro, ndërsa “Maserati Ghibli” i vitit 1972 që i përkiste Adam Clayton theu rekordin historik të veturave të kësaj marke, duke kapur vlerën e 303.000 sterlinave, rreth 335.000 euro.
Maserati Ghibli i vitit 1972
Për të kompletuar këtë sukses të markave “made in Italy”, që pushtuan ankandin e “Coys” ishte një “Ferrari Dino 246 GT Serie E”, model i dizenjuar nga “Scaglietti” që u shit për 374 000 sterlina, rreth 413.000 euro.
Ferrari Dino 246 GT Serie E
