Policia tajvaneze nisi një hetim pasi zbuloi se edukatorët përdornin drogë për të vënë në gjumë fëmijët!
Siç raporton BBC, rasti i pazakontë ka tërhequr shumë vëmendje në ishull dhe edukatorët e një kopshti në “Neë Taipei” janë akuzuar se i kanë vënë fëmijët në gjumë duke përdorur shurupe që përmbajnë droga të fuqishme, si fenobarbitoni dhe benzodiazepina, të cilat shkaktojnë varësi.
Prindërit e fëmijëve zhvilluan edhe disa protesta para godinave qeveritare, duke kërkuar që hetimi të jetë transparent.
Të paktën 20 fëmijë besohet se janë vënë në gjumë duke përdorur këto barna. Edukatorët u pezulluan për gjashtë muaj dhe u gjobitën me 1.4 milionë dollarë tajvani (rreth 46,000 dollarë amerikanë).
Spitali i qytetit të Taipeit u ofroi prindërve teste falas për fëmijët parashkollorë, për të kontrolluar për gjurmë të qetësuesve në gjakun e tyre.
Prindërit vunë re fillimisht se fëmijët kishin një krizë abstinence gjatë festave të Vitit të Ri, kur nuk shkonin në kopsht për disa ditë.
