Komiteti Ndërkombëtar i Kryqit të Kuq ka thënë se në Gaza përveç furnizimeve humanitare të nevojshme janë edhe shtimi i personelit mjekësor që të lehtësohet presioni mbi spitalet.
“Ajo që nevojitet më së shumti tani është një rrjedhë e vazhdueshme e furnizimeve dhe ndihmave humanitare në Gaza”, tha Sarah Davies nga Kryqi Kuq për BBC.
Ajo thotë se nuk nevojiten vetëm vetë furnizimet, “por personeli mjekësor dhe ekipet kirurgjikale që mund të fillojnë të lehtësojnë një pjesë të presionit të punës”.
Kalimi kufitar midis Egjiptit dhe Gazës u hap dje për të lejuar kalimin e 20 kamionëve me ndihma – siç është rënë dakord nga Izraeli – por Davies tha se nevojitet një rrjedhë e vazhdueshme e ndihmave.
“Kjo duhet të vazhdojë, njerëzit nuk mund të mbijetojnë me 20 kamionë ndihma, është vërtet një situatë kaq e rëndë,” tha ajo.
“Ne jemi në kontakt të rregullt me ekipet tona në terren dhe skenat që ata përshkruajnë janë të tmerrshme”, shkruan BBC
