Media shtetërore e Koresë së Veriut raportoi të dielën se presidenti rus, Vladimir Putin kishte shprehur gatishmërinë e tij për të vizituar Phenianin kur u takua me Ministrin e Jashtëm të Koresë së Veriut, Choe Son Hui në Rusi në fillim të javës.
Putin falënderoi gjithashtu liderin e Koresë së Veriut, Kim Jong Un për ftesën, tha agjencia shtetërore e lajmeve KCNA, duke cituar Ministrinë e Jashtme.
Asnjë datë nuk është caktuar për një vizitë të mundshme, por KCNA citoi Ministrinë e Jashtme të Phenianit të thoshte se ajo do të vinte në një “datë të hershme”.
Do të ishte udhëtimi i parë i liderit rus në Korenë e Veriut në më shumë se dy dekada. Putin vizitoi Phenianin në korrik 2000 për një takim me Kim Jong Il, babain e Kim Jong Un.
