Pamjet rrëqethëse nga tërmeti shkatërrues në Tajvan janë duke u shfaqur në rrjetet sociale.
Më i fundit është ai i një veture që goditet dhe shtypet plotësisht nga përplasja e një guri, që ishte shkëputur nga shkëmbi dhe kishte rënë në rrugë.
Vetura ishte në lëvizje kur guri i madh ra dhe e goditi direkt, duke e shtypur dhe përfundoi në murin mbrojtës, transmeton Telegrafi.
Por është interesant se gjithçka u filmua nga kamera e vendosur brenda një veture tjetër që po lëvizte prapa, dhe kapi momentin rrëqethës.
Në fillim shoferi tenton të shmangë gurë që binin dhe kështu fillon të lëvizë mbrapa – megjithatë një i madh bie dhe e godet direkt.
Ndryshe Tajvani është goditur dje nga një tërmet tejet i fuqishëm me 7.2 magnitudë, që po konsiderohet si më i fuqishmi në 25 vitet e fundit.
Nga lëkundjet e fuqishme u shembën shumë ndërtesa, ura e objekte tjera afariste, kurse 10 persona humbën jetën dhe mbi 1 mijë tjerë u lënduan.
