Tre pilotë ukrainas kanë vdekur pasi dy avionë stërvitor janë përplasur, ka konfirmuar forcat ajrore, përcjell Bota sot.
Vdekjet kanë ndodhur dje gjatë një misioni.
“Gjatë një misioni luftarak, ekuipazhet e dy avionëve të stërvitjes luftarake L-39 u përplasën në qiell”, thuhet në një deklaratë të Forcave Ajrore në Telegram.
“Të tre pilotët, për fat të keq, vdiqën”.
Ai gjithashtu vuri në dukje se një pilot i njohur, me nofkën "Juice", ishte në mesin e të vdekurve.
Përplasja ndodhi mbi rajonin Zhytomyr - në perëndim të Kievit.