Rusia ka bërë thirrje për një takim urgjent të Këshillit të Sigurimit të OKB-së pas rrëzimit të një avioni transporti pranë kufirit me Ukrainën të mërkurën.
Moska akuzoi Kievin për rrëzimin e tij, duke thënë se të gjithë 74 personat në bord u vranë, duke përfshirë 65 të burgosur ukrainas të luftës që ishin duke udhëtuar drejt një shkëmbimi, shkruan Euronews.
Rusia nuk ka ofruar asnjë provë për rrëzimin dhe Ukraina ka thënë se po e shqyrtonte atë, por nuk dha menjëherë ndonjë informacion.
Ministri i Jashtëm rus, Sergej Lavrov tha se Rusia dëshironte të diskutonte rrethanat e një rrëzimi avioni dhe tha se faktet e plota janë ende duke u verifikuar.
