“SHBA nuk po heq dorë nga ideja e kryerjes së një testi të plotë bërthamor pasi vendi e mban vendin e testimit në Nevada në një gjendje gatishmërie”.
Kështu u shpreh Gennadi Gatilov, i dërguari i Rusisë në zyrën e OKB-së dhe organizata të tjera ndërkombëtare në Gjenevë, shkruan Tass.
“Situata rreth Traktatit Gjithëpërfshirës të Ndalimit të Testeve lë shumë për të dëshiruar,” tha ai në Konferencën për Çarmatimin.
Që nga viti 1999, Uashingtoni “nuk ka bërë asnjë hap të rëndësishëm” për të ratifikuar këtë dokument, vetëm duke deklaruar “qëllime të mira” në lidhje me këtë instrument që është jashtëzakonisht i rëndësishëm për sigurinë ndërkombëtare, theksoi Gatilov.
