Një djalë 18-vjeçar shqiptar ka humbur jetën duke rënë nga çatia e një fabrike në zonën industriale të Porto Sant’Elpidio, në provincën e Fermos. Tragjedia ka ndodhur mëngjesin e djeshëm. Viktima quhet Franco Mazelli, familja e tij me origjinë shqiptare banon në Fermano.
Sipas të dhënave paraprake, një pjesë e çatisë ishte shembur dhe si pasojë i riu u rrëzua dhe ra nga 10 metra. Karabinierët po hetojnë dinamikën e aksidentit për të zbuluar nëse viktima punonte në vendin ku u gjet pa jetë.
Në vendngjarje, përveç punonjësve shëndetësorë të Kryqit të Gjelbër të Porto Sant’Elpidio, ishte dhe nëna e djalit.
Sipas versionit të parë të ngjarjes, i riu kishte shkuar për të takuar dajën e tij, kompania e të cilit po kryen punimet e saldimit në godinën ku ndodhi aksidenti.
