Rrëfimi i mërgimtarit, thotë se s'mund të vizitojë Kosovën për shkak të një përleshje me policinë - Bota Sot
Rrëfimi i mërgimtarit, thotë se s'mund të vizitojë Kosovën për shkak të një përleshje me policinë

Diaspora

E shtunë, 20 tetor 2018

Rrëfimi i mërgimtarit, thotë se s'mund të vizitojë Kosovën për shkak të një përleshje me policinë

Më: 15 shtator 2018 Në ora: 21:51
Nexhat Rexhepi

Një mërgimtar tash e dy vjet nuk mund të vijë në Kosovë. Kjo për shkak të një përleshjeje që e kishte bërë me disa zyrtarë policorë. Por, Nexhat Rexhepi nga Austria po mundohet që të gjejë zgjidhje e përsëri të vizitojë vendlindjen. E prezencën e Nexhatit e kishte kërkuar disa herë në shtëpinë në Kosovë, policia e vendit.

Ishte nisur për të vizituar Kosovën ashtu si çdo vit tjetër. Gjithçka ndryshoi për mërgimtarin Nexhat Rexhepi gjatë kalimit në pikën kufitare Dheu i Bardhë.

Një vit më parë, ai pati një mosmarrëveshje me policinë, pas të cilës u dënua me 2 javë burg shtëpiak.

Nexhati pretendon se është rrahur nga katër policë në prani të fëmijëve e gruas.

Për këtë rast, pas ngritjes së aktakuzës atij i ka humbur besimi në organet e drejtësisë.

Kështu ka vendosur, deri të gjejë një zgjidhje tjetër të mos vijë në Kosovë.

Këtë është duke e përjetuar rëndë nëna e Nexhatit, e cila ka mbetur e vetme në shtëpi.

Ajo së fundmi ka marrë edhe thirrjen për paraqitje në gjykatë për djalin, e thotë se disa herë policia i ka kontrolluar shtëpinë.

Në aktakuzën të cilën e ka siguruar T7, shkruhet se ekziston dyshim i bazuar mirë, për veprën penale sulm ndaj personit zyrtarë në kryerje te detyrës.

Sipas aktakuzës, gjatë arrestimit, i dyshuari edhe e kishte lënduar njërin nga zyrtarët policor.

Mirëpo, Nexhati nga Austria ka lajmëruar rastin te të gjithë ata që sipas tij mund të i bëjnë zgjidhje.

Një gjë të tillë e ka bërë edhe në Inspektoratin e Policisë së Kosovës.

Nga IPK thanë për T7, se tashmë kanë intervistuar disa persona, mirëpo, nuk kanë marrë masa ndaj policëve të dyshuar.

Tashmë shpresë e vetme, që do t’ia mundësojë të vijë në vendlindje kanë mbetur ministritë e ambasadat ku ka lajmëruar rastin, e nga të cilat pret zgjidhje.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test