Indeksi i Kostos së Ndërtimit shënon ngritje për 2.1 për qind

Ekonomi

Indeksi i Kostos së Ndërtimit shënon ngritje për 2.1 për qind

Më: 10 shtator 2018 Në ora: 20:07
Indeksi i Kostos së Ndërtimit (IKN)

Agjencia e Statistikave të Kosovës (ASK) ka publikuar “ Indeksin e Kostos së Ndërtimit” (IKN) për tremujorin e dytë (TM2) të vitit 2018.

Indeksi i tërësishëm i Kostos së Ndërtimit në Kosovë (IKN) pati ngritje për 1.7% në tremujorin e dytë (TM2 2018),  krahasuar me TM1 2018. Ngritje më të mëdha kishin kategoritë: energjia (3.1%) dhe materialet (2.3%). Kurse, ngritja te kategoria e materialeve u vërejt te materialet ndërtimore (2.5 %) dhe materialet hidro-sanitare (2.2%).

Ndërkaq, krahasuar TM2 2018 me të njëjtën periudhë të vitit paraprak ,TM2 2017, Indeksi i Kostos së Ndërtimit kishte ngritje për  2.1%. Ngritja e indeksit kryesisht u vërejt të kategoria materialet (3.2%) dhe kostot e tjera (0.7%). Ndërsa, kategoritë që kishin rënie ishin makineritë (-2.2%) dhe energjia (-1.5%).

commentFirst article
Sot mund të lexoni Shfletoni kopertinat