Suedia regjistroi më shumë vdekje muajin e kaluar se në çdo nëntor tjetër në më shumë se 100 vjet, ka raportuar agjencia kombëtare e statistikave e Suedisë.
Sipas Statistikave të Suedisë, nëntori i këtij viti ka shënuar më shumti vdekje, që do të thotë se u regjistruan më shumë vdekje nga të gjitha shkaqet sesa mesatarja historike për muajin gjatë pesë viteve të fundit.
Në total, u regjistruan 8,088 vdekje, që është 10 për qind më shumë se mesatarja pesë-vjeçare prej 7,383, shkruan thelocal.se.
“Ky është numri më i lartë i vdekjeve të regjistruara në nëntor që nga viti 1918, që është viti kur shpërtheu gripi spanjoll”, tha Tomas Johansson, një demograf në SCB.
Numri më i lartë i të vdekurve u regjistrua më 15 nëntor, kur 292 njerëz vdiqën. Por më shumë vdekje u regjistruan çdo ditë të vetme midis 12 nëntorit dhe 27 nëntorit sesa në çdo ditë nëntori që nga viti 2015.
Vdekshmëria e tepërt në valën e dytë ka mbetur deri më tani megjithatë nën atë që është parë në pranverë midis 29 mars dhe 1 maj, kur të paktën 300 njerëz vdisnin çdo ditë.
