Nga një ortek në Alpet franceze kanë gjetur vdekjen katër persona, ka thënë ministri i brendshëm i Francës, duke e quajtur numrin e të vdekurve “të përkohshëm”.
Sipas mediave të huaja, orteku ndodhi kur ai erdhi nga akullnaja Armancette në Contamines-Montjoie, në rajonin Haute-Savoie, rreth 30 kilometra në jugperëndim të Chamonix.
Megjithatë, ministri i Brendshëm Gerald Darmanin nuk dha detaje në postimin e tij në Twitter rreth vdekjeve.
Ndërkohë stacioni lokal radiofonik France-Bleu e përshkruajti madhësinë e ortekut si 1000 metra të gjatë dhe me 100 metra gjerësi.
Dy helikopterë u dërguan për të ndihmuar në kërkim, tha stacioni, duke cituar prefekturën lokale në Thonon.
Dhe një reagim ka ardhur edhe nga president Emmanuel Macron i cili ka thënë se “për të gjetur njerëz ende të bllokuar nën borë, shërbimet e urgjencës janë mobilizuar”.
