Danimarka do t’i dhurojë Ukrainës 45 tanke të tjera në luftën e saj kundër Rusisë.
“Vendi do të dërgojë në Ukrainë nga 30 tanke Leopard 1 dhe 15 tanke T-72″, njoftoi agjencia e lajmeve Ritzau, duke cituar ministrin e mbrojtjes të vendit, Troels Lund Poulsen.
Në fillim të këtij viti, Danimarka u bashkua me Holandën për të dhuruar së bashku 14 tanke Leopard 2 në Ukrainë. Tanket, të cilat ata thanë se do të bliheshin nga një palë e tretë dhe do të rinovoheshin, pritej të dorëzoheshin në tremujorin e parë të vitit 2024.
Në shkurt, Danimarka, Holanda dhe Gjermania njoftuan se do të bashkojnë burimet për të rivendosur në fushëbetejë të paktën 100 tanke të vjetra Leopard 1 nga rezervat e industrisë këtë vit dhe vitin e ardhshëm.
