Një zjarr masiv shpërtheu në një treg Krishtlindjesh në Berlin, duke lënduar 2 persona. Dy persona u dërguan me urgjencë në spital, sipas shërbimeve të urgjencës.
Shpërthimi i zjarrit vjen vetëm një javë pasi dy persona u arrestuan në North Rhine-Westphalia dhe Brandenburg, ku dyshohet se po planifikonin sulme në tregjet e Krishtlindjeve.
“Në gjithë Europën kontinentale, tregjet e Krishtlindjeve kanë mbrojtje të lartë të sigurisë për shkak të frikës nga një sulm terrorist, siç ndodhi në Berlin në vitin 2016 kur 12 persona humbën jetën”, tha Simon Calder, korrespondent i Independent.
Ky incident në kryeqytetin gjerman është disi shqetësues, për shkak se është rritur numri i turistëve britanikë që po vizitojnë tregjet europiane të Krishtlindjeve.
