Një zjarr masiv në një bujtinë mëngjesin e së martës në Rumani la pesë persona të vdekur, duke përfshirë një fëmijë, thanë autoritetet.
Sipas mediave të huaja, përcjell Telegrafi, ekipet e ndërhyrjes emergjente janë vendosur në fshatin Tohani të qarkut Prahovë, ku në bujtinë po qëndronin 26 persona, sipas Inspektoratit të Përgjithshëm për Situatat Emergjente.
Përpara se autoritetet e urgjencës të konfirmonin vdekjen e viktimës së katërt dhe të pestë rreth mesditës, ekipet e kërkim-shpëtimit u ngritën për të gjetur pesë persona të zhdukur.
Nuk ishte menjëherë e qartë nëse dy të vdekurit e tjerë ishin në mesin e atyre të listuar si të zhdukur.
Autoritetet thanë se 18 persona arritën t’i shpëtonin zjarrit dhe dy prej tyre po trajtoheshin për djegie.
Ndërkohë është bërë e ditur se zjarri ishte shuar dhe se kërkimi për të zhdukurit ishte në vazhdim.
