Shtatë persona, duke përfshirë dy fëmijë, janë zhdukur në rajonin Gard të Francës jugore pasi janë përfshirë nga përmbytjet, tha në një përditësim prefektura.
Një baba dhe dy djemtë e tij 4 dhe 13-vjeç ndodheshin në Dions, në veri të Nimes, rreth orës 23:30 të së shtunës, dhe dy persona të tjerë në Goudargues, në veri të departamentit, rreth orës 5:00 të mëngjesit të së dielës, tha në një konferencë shtypi sekretari i përgjithshëm i prefekturës, Frederic Loiseau.
Një automobilist tashmë ishte raportuar i zhdukur të shtunën në mbrëmje në Gagnieres, gjithashtu në veri të departamentit.
Një burrë është zhdukur që nga mbrëmja e së shtunës në Saint Martin de Valamas, në Ardeche, tha prefektura e departamentit.
Një operacion kërkimi është nisur nga forcat zjarrfikëse dhe xhandarmëria. Sipas një burimi të xhandarmërisë, personi i zhdukur është drejtor i një hidrocentrali.