Qeveria e Malit të Zi në seancën e sotme ka shkarkuar edhe një herë Artan Kurtin nga pozita e inspektorit të përgjithshëm në BSHK, pasi më 3 prill të këtij viti Gjykata Administrative pranoi padinë e Kurtit kundër qeverisë dhe anuloi vendimin për shkarkimin e tij, i cili ishte një nga vendimet e para që ka marrë ekzekutivi i ri që kur u zgjodh në parlament.
Kurti u shkarkua më 9 nëntor të vitit të kaluar, me vlerësimin se nuk ishte zgjedhje adekuate për postin e inspektorit të përgjithshëm të ANB-së dhe me shënimin se ishte emëruar nga qeveria e Dritan Abazoviqit – me vlerësimin e të cilit, autoritetet ekzekutive nuk janë dakord.
Në arsyetimin e shkarkimit, Qeveria deklaroi se Kurti nuk ka pesë vite përvojë pune në sektorin e sigurisë, gjë që ishte kusht për plotësimin e asaj pozite.
Në fillim Qeveria e shkarkoi Kurtin për shkak se nuk ishte dakord me vlerësimin e Qeverisë së 43-të të Dritan Abazoviqit, e cila e emëroi Kurtin në atë pozitë. Sipas vendimit të Gjykatës Administrative, një shpjegim i tillë i vendimit nuk ishte ligjërisht i vlefshëm për shkarkimin e inspektorit të përgjithshëm të ANB-së.
Megjithatë, Artan Kurti nuk do të riemërohet në postin e Inspektorit të Përgjithshëm të BSHK-së, sepse Qeveria ndërkohë ka miratuar një ndryshim në nenin 40 të Ligjit për Agjencinë e Sigurisë Kombëtare, i cili kërkon pesë vjet përvojë në siguri nga sektori për pozitën që ka mbajtur.
Po ashtu, Qeveria nuk është e obliguar që t’ia kthejë mandatin Kurtit, sepse ndërkohë në atë pozitë është emëruar Predrag Buriq – i cili është me orar të plotë dhe jo ushtrues detyre.
