Policia britanike zbulon burimin e helmimeve me Noviçoke

Evropë

Policia britanike zbulon burimin e helmimeve me Noviçoke

Më: 13 korrik 2018 Në ora: 19:08
Britani

Autoritetet britanike kanë gjetur burimin e agjentit nervor, Noviçok, që ka helmuar dy persona ditë më parë në jug të Anglisë.

Njëra nga viktimat, 44 vjeçarja, Dawn Sturgess, ka vdekur në spital të dielën, pasi i është ekspozuar agjentit.

I dashuri i saj, 45 vjeçari, Charlie Rowley, ka qenë në gjendje kritike, derisa tani zyrtarët kanë thënë se ai është në gjendje më stabile.

Policia e Londrës ka thënë të premten se një shishe e vogël është gjetur gjatë kërkimeve, në shtëpinë e Rowleyt, dhe pasi është testuar nga shkencëtarët është konfirmuar se substanca ka qenë Noviçok.

Policia është ende duke bërë kërkime se prej nga ardhur shishja dhe si ka arritur në shtëpinë e Rowleyt.

Testimet tjera do të synojnë të zbulojnë nëse nga mostra e njëjtë janë helmuar edhe ish-agjenti rus, Sergei Skripal dhe vajza e tij, Yulia në muajin mars në Sallsbëri të Britanisë.

Sot mund të lexoni Shfletoni kopertinat