Prishtina dhe kampioni në fuqi, Drita nga Gjilani, i ndanë pikët në stadiumin “Fadil Vokrri” në Prishtinë, duke luajtur baras (1:1).
Kjo ishte ndeshje e mbetur e javës së tretë të elitës së futbollit të Kosovës.
Te dy golat u realizuan nga penalltitë. Drita importon një pikë të madhe dhe me shumë fat, ndërsa sulmuesi i Prishtinës, Oto John shpërdoron tre raste të qind për qindta.
Në minutën e 7-të, Otto John rast ideal por gjuajtjen e tij e pret portieri Rexhepi.
Pas dhjetë minutave (17’) John sërish në rast të qind për qind, vetëm me portier, godet mbi portë.
Në minutën e 38-të, Arago e pengon në mënyrë të palejueshme futbollistin Krasniqi dhe penallti për Prishtinën. Në minutën e 39-të, Besnik Krasniqi godet fuqishëm nga penalltia dhe kalon në epërsi Prishtinën.
Në minutën e 74-të, Drita kërkon penallti por gjyqtari nuk mendon ashtu. Në minutën e 80-të, John edhe një herë dështon nga rasti ideal, portieri Leutrim Rexhepi reagon shkëlqyeshëm.
Në minutën e 83-të, Dellova i Prishtinës luan me dorë dhe gjyqtari akordon penallti. Fidan Gërbeshi me mjeshtri godet nga penalltia duke barazuar rezultatin 1:1 (85'), portieri në anën e djathtë, topi shkon në të majtë. Prishtina ishte më e mirë por kur nuk i shfrytëzon rastet edhe pëson, ndërsa Drita ia doli të barazojë përmes penalltisë.
Në minutën e 90+3, Ilir Blakçori i Dritës u ndëshkua me karton të kuq pas dy të verdhëve. Drita është kampion vjeshtor me 41 pikë, ndërsa Prishtina përfundon në pozitën e tretë me 32 pikë.
Tabela
1. Drita 18 12 5 1 30:13 41
2. Ballkani 18 12 2 4 43:25 38
3. Prishtina 18 9 5 4 26:12 32
4. Gjilani 18 8 5 5 18:16 29
5. Feronikeli 18 5 8 5 22:16 23
6. Arbëria 18 6 3 9 17:20 21
7. Trepça ’89 18 6 3 9 19:27 21
8. Llapi 18 6 2 10 21:23 20
9. Drenica 18 5 4 9 11:25 19
10. Besa 18 1 3 14 13:43 6
Në pranverë, në javën e 19-të takohen: takohen: Trepça '89-Arbëria, Feronikeli-Gjilani, Besa-Ballkani, Prishtina-Drenica dhe Drita-Llapi.
