Një nga ndeshjet më interesante që pritet të dhurojnë spektakël në Serinë A italiane për javën e 26-të është ajo që zhvillohet në “Allianz Stadium” ndërmjet Juventusit dhe Lazios.
“Zonja e Vjetër” dëshiron me çdo kusht pikët e plota për t’i mbajtur gjallë shpresat për titullin e kampionit.
Lazio në anën tjetër ka synim një vend që dërgon në Ligën e Kampionëve edicionin tjetër dhe nuk janë larg objektivit, megjithatë pikët janë të domosdoshme në Torino.
Sipas medieve italiane, sulmuesi i Përfaqësueses së Kosovës në futboll, Vedat Muriqi nuk pritet të startoj për skuadrën kryeqytetase.
Përballja midis Juventusit dhe Lazios zhvillohet sonte me fillim nga ora 20:45.
Këto janë formacionet e mundshme:
Juventus: Szczesny; Danilo, Demiral, De Ligt, Sandro; Chiesa, Ramsey, Rabiot, McKennie; Kulusevski, Ronaldo.
Lazio: Reina; Patric, Parolo, Acerbi; Marusic, Milinkoviq-Saviq, Leiva, Alberto, Luliq; Correa, Immobile.
