Anësori i kombëtares së Kosovës, Lirim Kastrati nuk ka arritur të bind në Superligën e Polonisë, me skuadrën e Legia Warsaw.
Sulmuesi nuk ka vend në skuadrën e Aleksandar Vukovic, bëjnë të ditur mediat polake.
Lirimi pati një start të mirë në skuadrën e Legia, kur kujtojmë golin ndaj Spartak Moska në Europa League, por pastaj erdhi një dështim total.
Me kohën që kalonte, doli në pah se ai është shumë i limituar taktikisht, shkruajnë mediat polake. Një tjetër të metë që i atribuojnë mediat polake Lirimit është se ai ka vështirësi të kuptojë dhe të bartë detyrat taktike.
Do të jetë e vështirë për skuadrën që të heqin dorë nga ai, sepse lojtari ka kontratë deri në qershor të vitit 2025 dhe për kartonin e tij ishin paguar 1.5 milion euro. Vështirë se një skuadër paguan çmim të përafërt.
