U luajtën mbrëmjen e sotme 5 sfida interesante të vlefshme për Ligën e Kombeve, ku nuk munguan surprizat.
Zvicra mposhti me rezultatin 1-0 Portugalin, falë golit të Seferoviç në minutën e parë, teksa Spanja bëri detyrën në shtëpi ndaj Çekisë. Këto ishin dy sfidat për sa i përket Ligës A.
Ndërkohë në Ligën B, Slovenia, arriti të rikuperonte disavantazhin e 2 golave, duke marrë 1 pikë në shtëpi ndaj Serbisë.
Në sfidën e Ligës C, Greqia mposhti me rezultatin 2-0 Kosovën, teksa Malta në Ligën 4 u mjaftua me një fitore minimale ndaj San Marinos.
