Inter Escaldes kalon në finale të parakualifikimeve!
Inter Escaldes është finalisti i parë i katër skuadrave kampione që luajnë në fazën parakualifikuese të Champions League e ku një nga to do të arrijë të futet në xhiron e parë të kualifikimeve.
Klubi nga Andorra fitoi 2-1 nga La Fiorita për të kaluar në finale, ku do të përballet me Levadia ose Vikingur Reykjavik, një ndeshje që zhvillohet sonte.
Më herët në fazën parakualifikuese luanin edhe klubet kosovare, por nga ky vit UEFA kishte vendosur që kampioni i Kosovës të përfshihej direkt në xhiron e parë të kualifikimeve.
