Kryetari i Partisë së Lirisë, Ilir Meta ka reaguar pas triumfit në Beograd të Zelimkhan Abakarov i cili rrëmbeu medaljen e artë për Shqipërinë në mundje.
Meta shprehet se kjo fitore e madhe na krenon të gjithëve ndërsa bën një falënderim për Sahit Prizrenin për premtimin e mbajtur.
“Shqipëria kampione e botës në sportin e mundjes.
I lumtur për këtë fitore të madhe, që na krenon të gjithëve.
Mirënjohje kampionit tonë Zelimkhan Akbvarov për këtë sukses të jashtëzakonshëm! Gjithashtu një falenderim të përzemërt për Sahit Prizrenin për premtimin e mbajtur!’, shkruan Meta.
