Futbollisti Xherdan Shaqiri ka bërë jehonë me golin e tij në pesë Kontinente! Djaloshi nga Kosova hapi serinë e golave. Zvicra ka shënuar fitore me rezultat 3:2 ndaj Serbisë.
Zvicra kualifikohet në të tetën e finales në Kampionatin Botëror, ndërsa Serbia paketon valixhet për në shtëpi.
“Futbollistët e kombëtares së Zvicrës mundën skuadrën serbe në ndeshjen e xhiros së tretë të fazës së grupeve të Kupës së Botës në Katar dhe fituan biletën e fundit për në play-off të turneut.
Takimi i grupit G, i zhvilluar të premten në stadiumin “974”, ka përfunduar me rezultat 3:2 në favor të zviceranëve. Për fituesit golat i shënuan Xherdan Shaqiri (minuta e 20-të), Brel Embolo (44) dhe Remo Freuler (48). Për serbët shënuan Aleksandar Mitroviq (26) dhe Dushan Vllahoviq (35)”, shkruan mediumi rus “Ria Novosti”.
“Shaqiri përsëriti arritjen e portugezit Cristiano Ronaldo dhe argjentinasit Lionel Messi, duke u dalluar në tre kampionatet e fundit botërore - 2014, 2018 dhe 2022. Ai gjithashtu u bë lojtari i parë në historinë e kombëtares zvicerane që shënon në tre Kupa të Botës të ndryshme.
Në minutën e katërt të lojës shtesë, shpërtheu një përleshje, e cila nisi me një konflikt mes mesfushorit zviceran Granit Xhaka dhe mbrojtësit serb, Nikola Milenkoviq. Nxitësit morën kartona të verdhë”, shkruan më tej.
