Tifogrupi më i madh i kombëtares së Shqipërisë, Tifozat Kuq e Zi festojnë ditën e sotme 19-vjetorin e themelimit teksa përgjatë gjithë kësaj kohe ata i kanë qëndruar besnik ngjyrave të tyre dhe Shqipërisë në momentet e saj më të vështira, por edhe më të bukurat.
TKZ thekson se qëillimi i tyre mbetet bashkimi kombëtar.
Postimi i TKZ:
“Sot, Tifozat Kuq e Zi mbushin 19 vite nga themelimi me përkulje dhe falënderime çdo anëtari dhe mbështetësi në këtë rrugëtim fisnik, ku qëllimi i vetëm ishte dhe vazhdon të jetë t’i mbledhim rreth vetës të gjithë tifozët shqiptarë dhe unifikim drejt idealit tonë të përbashkët, të trashëguar nga të parët tanë e që asht bashkimi kombëtar.
Andaj, ju ftojmë të gjithë ju të na bashkëngjitni në ketë rrugëtim.
Më poshtë gjeni një video të shkurtër me rastin e 19 vjetorit të themelimit, aktivitet i cili u mbajt në Krujën tonë të bukur, në Krujën e Skënderbeut.
O sa mirë me qenë Shqiptar!
