Portieri korçar, Stivi Frashëri, nuk e ka pritur aspak mirë , mos përfshirjen nga FFK në formacionin më të mirë për vitin 2022.
Si portieri më i mirë u zgjodh, Enea Koliçi, që luan me Gjilanin dhe kjo ka bërë që Frashëri të reagojë ashpër në rrjetet sociale.
Pavarësisht shpalljes kampion me Ballkanin dhe arritjes historike në grupet e Ligës së Konferencës, ku Frashëri u bë disa herë protagonist, ai nuk u preferua në formacionin më të mirë të zgjedhur nga FFK.
“Faleminderit për përkrahjen tuaj fallco. Çfarë turpi pas gjithë asaj që kam bërë”, shkroi ai.
Vlen të theksohet se ceremonia e ndarjeve të çmimeve u organizua mbrëmjen e djeshme.
