2022 ishte viti i parë i plotë i papunësisë për Joachim Löw. Që nga viti 2004 trajneri i lindur në Schönau am Schwarzwald ia kushtoi profesionalizmin e tij Mannschaft-it, fillimisht si ndihmës trajner i Jürgen Klinsmann-it dhe më pas nga viti 2006 në 2021 si trajner, duke shënuar një epokë.
Në fund të Kampionatit Europian ai la kombëtaren në duart e Hansi Flick. Por ka një këndvështrim në lidhje me Löw-in për të cilin është folur gjithmonë pak: ai personal. Vetja e tij, familja dhe… vaktet me Angela Merkel.
Megjithatë disa kohë më parë ish-trajneri tashmë i Mannschaft dha një intervistë mjaft personale për Zeit. Është shumë, shumë e rrallë që Löw të flasë për veten e tij, por, ndoshta, në fund të një cikli doli ana e tij më emocionale, ndoshta edhe e shkaktuar nga melankolia e lamtumirës së tij nga kombëtarja.
“Për dhjetë vitet e fundit, kam menduar se si do të ishte të kesh fëmijë. Në fund të fundit, unë kam disa fëmijë të adoptuar dhe ata janë shpesh me ne. Sigurisht, ka raste kur më mungon shumë të kem një fëmijë timin.
“Jam rritur në një familje të madhe dhe kam katër vëllezër e motra. Nëna ime ka tetë vëllezër e motra. Unë kam dhjetëra kushërinj. Dhe të gjithë kanë shumë fëmijë. Shtëpia jonë ishte gjithmonë plot”.
Trajneri preku edhe një çështje delikate siç është homoseksualiteti në futboll, duke marrë si shembull të vetmin profesionist gjerman që ka dalë hapur.
“Hitzlsperger pati guximin ta bënte këtë hap kur karriera e tij mbaroi. Në shoqëri, hapja është thelbësisht e pranishme. Por ende ka diçka që i mungon futbollit”.
Më pas marrëdhënia e tij me Angela Merkel, një tjetër që ashtu si Löw u largua nga udhëheqja e Gjermanisë pas një periudhe të gjatë: “Kam respekt të madh për Angela Merkel. Mendoj se ajo është shumë njerëzore, ajo mund të empatizojë me njerëzit dhe thjesht mund të shpjegojë problemet e vështira dhe komplekse. Më duket magjepsëse në vetvete”.
Löw përfundon duke thënë se në takimet me ish-kancelaren ai hante shpesh feta buke dhe patate të skuqura me të. Duke saktësuar ndër të tjera se shefi i kuzhinës vjen nga jugu i Badenit, dhe duket se është specialist i patateve të skuqura.
Jo saktësisht lloji i deklaratave që do të priste nga dikush që ka udhëhequr Gjermaninë për më shumë se dhjetë vjet. Një frazë që në thelb… vlen për të dy!
