Pas ndeshjeve të kombëtareve, këtë fundjavë rikthehet Superliga e Kosovës në futboll me xhiron e 27-të të saj.
Takimi kryesor i javës zhvillohet të shtunën mes Ballkanit e Gjilanit.
Therandasit janë në formë shumë të dobët xhirot e fundit.
Në pesë sfidat e fundit kanë katër barazime e një humbje.
Edhe përkundër formës së dobët, kampionët janë vetëm një pikë larg vendit të parë.
Kundërshtari i tij, Gjilani me formë qëndron pak më mirë, kanë dy fitore, dy barazime e një humbje.
Gjilanasit janë në pozitën e tretë me 40 pikë.
Të shtunën zhvillohen edhe dy përballje tjera.
Na pres sfida mes Prishtinës e Trepçës’89.
Të dy ekipet kanë formë përafërsisht të njëjtë në pesë ndeshjet e fundit.
Sikurse kryeqytetasit, po ashtu edhe mitrovicasit morën pikët e plotë javën e fundit.
Sa i përket renditjes, bardh e kaltrit janë shumë më mirë, e shohin veten të katërtit me 35 pikë, teksa minatorët të tetit me 29 sosh.
Sfida e fundit e së shtunës është mes Llapit e Malishevës.
Vetëm një fitore për llapjanët në pesë ndeshjet e fundit, ecuri negative e cila ia rrezikon edhe vendin e pestë.
Katër pikë janë më lartë se kundërshtari, malisheva e shtata.
Të dielën janë dy ndeshje. Lideri i Superligës, Drita e pret Drenicën.
Dy fitore, dy barazime e një humbje është bilanci i të kaltërve nga Gjilani, teksa ekipi nga Skenderaj ka formën më të dobët nga të gjitha ekipet, një fitore e katër humbje, tri prej tyre rresht.
Klubi me formën më të mirë në pranverë është Ferizaj, që këtë të diele i shkon Dukagjinit.
Në javën e fundit, klinasit pësuan, derisa ferizajasit barazuan.
Sa i përket renditjes, Dukagjini është i gjashti, kurse Ferizaj i parafundit.
