Kampioni francez, Paris Saint-Germain ka vendosur që ta suspendojë Lionel Messin me efekt të menjëhershëm.
Suspendimi hyn në fuqi menjëherë dhe do të jetë i vlefshëm për dy javët e ardhshme, siç bëhet e ditur nga “RMC Sport”.
Ky vendim i PSG-së vjen pas udhëtimit të Messit në Arabinë Saudite, udhëtim ky i cili nuk ishte autorizuar nga PSG-ja.
Kampi i Messit tani po pret vetëm për komunikatën e PSG për ta sqaruar situatën. Messi nuk do të jetë i gatshëm për të luajtur për dy javët e ardhshme, nëse shkon sipas planit të vendosur nga PSG.
