Thierry Henry ka paralajmëruar lojtarët se duhet të “luten” nëse dalin ballë për ballë me blerjen e re të Manchester City-t, Jeremy Doku.
Legjenda e Premier League është një admirues i yllit të ri të Sky Blues, i cili do t’i bashkohet skuadrës së Guardiolës për 55 milionë sterlina.
Henry e sheh Doku-n si një sulmues krahu shumë cilësor dhe një kërcënim të madh në fushë.
Titi ishte trajner i Doku-t kur ai ishte ndihmës trajner i kombëtares belge.
Ish-asi i Arsenalit tha për Amazon Prime: “Kur je një kundër një me të, mbetet vetëm një gjë për të bërë… të lutesh.
“Rrallë në jetën time kam parë një lojtar të dalë kaq shpejt nga një driblim. Është e jashtëzakonshme”.
Doku do të bëhet nënshkrimi i tretë i madh i City-t këtë verë pas Mateo Kovacic nga Chelsea për 25 milionë sterlina dhe Josko Gvardiol nga Leipzig për 77 milionë sterlina.
Doku ka ardhur për të zëvendësuar ish-asin e Cityt, Riyad Mahrez, i cili i është bashkuar skuadrës së Ligës Saudite të Pro, Al-Ahli për 55 milionë sterlina.
