Një tifoz ka humbur jetën pas përfundimit të ndeshjes mes Legias së Varshavës dhe Aston Vilës e vlefshme për Ligën e Konferencës.
42-vjeçari u përpoq të dilte nga stadiumi për të shmangur turmën dhe për të shkurtuar rrugën, por gjërat përfunduan keq.
Pasi u hodh nga shkallët ai u rrëzua në rrugë dhe humbi ndjenjat.
Pavarësisht tentativave të tifozëve të pranishëm për ta mbajtur në jetë, tifozi ndërroi jetë.
Në momentin e tragjedisë ishte prezent edhe një prokuror publik teksa të gjithë dëshmuan se ishte një vdekje aksidentale.
