Skënderbeu dhe Tirana luajnë sot në 17:00 një ndeshje, e cila do të thotë shumë për të dy ekipet.
Nga njëra anë vendasit kërkojnë me dëshpërim tri pikët pasi në të kundërt do të ishte takimi i pestë radhazi pa fitore (në katër duelet e fundit kanë marrë vetëm një pikë).
Gjithashtu fitorja është objektiv edhe për Tiranën pasi vetëm kështu do të kuptonte nëse fitorja e arritur me Teutën pak ditë më parë nuk ka qenë një rastësi. Të dy trajnerët nisin dot ndeshjen nën trysni dhe për këtë arsye pritet të jetë një takim mjaft i luftuar.
Në konferencën e djeshme për shtyp Julian Ahmataj theksoi se kishte disa mungesa për shkak dëmtimi. “Kemi mungesa por kemi edhe lojtarë të tjerë në rikuperim ose me dëmtime dhe nuk e di nëse do të jenë. Por skuadra ka forca për të përballuar ndeshjen dhe ka lojtarë me cilësi në përbërjen e saj. Eksperimente nuk do të ketë.
Do të jenë të njëjtët lojtarë, si të rinjtë ku bën pjesë edhe Qefalija. Janë pjesë e rëndësishme e skuadrës për t’i dhënë ndihmë ekipi kur ka nevojë”, tha pasuesi i Shehit.
