Nga alarmi i dëmtimit te një diagnozë të frikshme.
Gjithçka në pak orë.
Pauza e kampionateve për kombëtaret ka nisur në mënyrën më të keqe të mundshme për Real Madridin, i cili rrezikon të mbetet pa Eduardo Camavinga për një kohë të gjatë.
Mesfushori francez, i cili të mërkurën u detyrua të ndërpresë stërvitjen me kombëtaren e tij për shkak të një dëmtimi të shkaktuar nga një përplasje me Ousmane Dembele, iu nënshtrua kontrolleve që evidentuan një ndrydhje në gjurin e tij të djathtë, siç thuhet në njoftimin për shtyp të lëshuar nga Federata Franceze këtë të enjte.
Ish-lojtari i Rennes u largua menjëherë nga Les Bleus për t’u kthyer në Spanjë dhe për këtë arsye nuk do të jetë në dispozicion të trajnerit Deschamps, i cili ka thirrur Khéphren Thuram në vend të tij, për ndeshjet kundër Gjibraltarit dhe Greqisë, por sipas asaj që raportohet nga shtypi spanjoll, viti 2023 mund të ketë përfunduar herët.
Në fakt, lojtari rrezikon të jetë larg fushës për dy muaj. Më shumë do të dihet pas analizave që lojtari do t’i nënshtrohet në Valdebebas.
Nëse diagnoza do të konfirmohet, Carlo Ancelotti do të kishte një problem serioz për sa i përket ndeshjeve të fundit të vitit kalendarik, duke pasur parasysh që Camavinga, një mesfushor i rregullt, përdorej shpesh në krahun e majtë të mbrojtjes, një pozicion ku Reali është në një emergjencë për shkak të mungesës së vazhdueshme të Ferlan Mend.
