Kombëtarja e Zvicrës humbi ndeshjen në Bukuresht (1:0) dhe mbeti pa fitore në ndeshjen e katërt radhazi kualifikuese në Kampionatin Evropian në futboll.
Është interesant se kapiteni Granit Xhaka po kritikohet, por nuk duhet harruar faktin se meritë e sukseseve të Zvicrës deri me tash është ky lojtar me Xherdan Shaqirin dhe disa të tjerë.
“Humbje ndaj Rumanisë, kjo e vendos Zvicrën në vazon 4, së bashku me Italinë, Serbinë dhe tre skuadrat që kualifikohen në play-off në mars. Për herë të fundit në vitin 2023, mbi 17,000 lexues vlerësuan performancën e kombëtares sonë”, shkruan mediumi zviceran “Blick”.
“Më i miri: Yvon Mvogo
Nuk bën gabime, absolutisht i pafuqishëm në 0:1. 21 për qind e komunitetit votuan 29-vjeçarin si lojtarin më të mirë të lojës.
Më i dobëti Granit Xhaka
Kapiteni i kombëtares së Zvicrës, nuk bindë kundër Rumanisë, në pozicionin e tij të preferuar. Humb topin shumë shpesh, bën shumë pasime të pasakta. Arsyeja e mjaftueshme që 35 për qind e komunitetit ta votojnë yllin e Leverkusenit lojtarin më të dobët të lojës për herë të dytë pas barazimit ndaj Kosovës.
Trajneri Murat Yakin: nota 2.4
Komuniteti Blick nuk beson më në të. “Duhet të pyesni Yakin tani. Çdo gjë tjetër do të ishte e gabuar”, shkruan lexuesi Michael Möri. Por shumë prej tyre tashmë janë një hap më tej, për shembull Max Müller: “Yakin duhet të shkojë. Nuk ishte një lojë e mirë që kur ai mori drejtimin”.
Lexuesi Walter Stettler përfundon: “Ka luajtur në grupin më të dobët, mori vetëm 17 nga 30 pikët e mundshme! Më në fund kjo disfatë. Mendoj se kjo tregon gjithçka për gjendjen e kësaj kombëtareje! E vetmja pikë plus: Kualifikimi”, ka shkruar media zvicerane.
