Kampionati kombëtar i futbollit amator 9×9 “FSHF Sunday League Albania”, që organizohet nga FSHF, ka mbyllur javën e shtatë. Në grupin A, skuadra e ATS regjistroi triumfin e katërt radhazi dhe vijon të kryesojë e vetme renditjen me 17 pikë.
ATS mundi 3-0 skuadrën e Vatër. Skuadra e IMMI u rikthye te fitorja pas barazimit me Vila-L, duke triumfuar 2-0 ndaj skuadrës MD dhe në renditje ndodhet në vendin e dytë me 16 pikë. Më tej në grupin A, skuadrat e Panthers Shkodër, Ferraj, Dymbëdhjetat, Elso dhe FB Passion nuk gabuan në sfidat e tyre dhe morën tri pikët. I vetmi barazim në grupin A u regjistrua në ndeshjen Barrikada – Vila – L që përfundoi 1-1.
Në grupin B, ekipi i Dajtit vijon ecurinë pozitive duke regjistruar shtatë fitore në po aq ndeshje. Skuadra e Dajtit fitoi 2-1 ndaj North Gate dhe udhëheq e vetme renditjen me 21 pikë. Kastriotët u rikthyen te fitorja, duke lënë pas disfatën me Friends Team.
Ata fituan minimalisht 1-0 ndaj Al Ar dhe ndodhen të dytët në grupin B me 18 pikë. Në sfidat e tjera të grupit, skuadrat e Friends Team, Ccbs, Parku, Big – Bite, Musa dhe Jata Market nuk gabuan dhe triumfuan kundër kundërshtarëve.
Rezultatet e javës së shtatë të kampionatit të futbollit amator 9×9:
Grupi A
1. Panthers Shkodër – Hidro Alfa 3-0
2. IMMI – MD 2-0
3. Barrikada – Vila-L 1-1
4. ATS – Vatër 3-0
5. Legjendat 9×9 – Ferraj FC 3-4
6. Dymbëdhjeta – FC Luminesen 2-0
7. Elso – FC Illyrian Eagles 3-1
8. FB Passion – Raiffeisen Bank 2-1
Grupi B
1. Kastriotët – Al Ar 1-0
2. Futura Dent – Friends Team 1-3
3. Ccbs – Roamel 1-0
4. Albamer – FC Parku 0-1
5. FC Dajti – North Gate 2-1
6. Gaia Triumph – Big-Bite 0-3
7. FC Confucius – FC MUSA 2-3
8. Ju Ar Plast – Jata Market 2-3
