Rezerva e Ciro Immobile te Lazio, që kur u largua nga ekipi bardhekaltër, është bërë idhulli i padiskutueshëm i Mallorca. Po flasim për Vedat Muriqi, një lider për klubin spanjoll sezonin e kaluar.
Sulmuesi ka pasur ulje dhe ngritje në sezonin aktual, para se të mbetej jashtë fushës për shkak të një problemi me pulpën e këmbës.
4 gola në 12 ndeshjet e para, pastaj “pit stop”. Duke qenë jashtë fushës që nga fundi i nëntorit, Mallorca duhet të bëjë pa sulmuesin e saj kryesor, ndërsa ende arrin të sigurojë një ritëm të mirë mbijetese.
Ndërsa pret të kuptojë se kur do të mund të rikthehet në fushë Muriqi, ish-lojtari i Lazios mban tashmë një rekord kurioz, pavarësisht se ka munguar në ndeshjet e fundit. Asnjë lojtar në ligat kryesore evropiane nuk është “fishkëllyer” më shumë për pozicion jashtë loje (offside).
Edhe pse luajti vetëm 12 ndeshje, Muriqi u kap në pozicion jashtë loje në 19 raste. Gjithmonë në limit të “offside”, sulmuesi dardan kryeson renditjen në këtë aspekt, përpara Morata dhe Diakité, me Osimhen të parin në Serie A (17 herë, menjëherë pas podiumit).
Para problemit me pulpën e këmbës, Muriqi ishte jashtë fushës për 4 ndeshje, në të cilat Mallorca e tij nuk fitoi kurrë.
Një sezon i vështirë për kuqezinjtë, aktualisht me 18 pikë në renditje, vetëm 5 pikë prapa vendit të tretë të fundit.
Fillimisht u transferua te Mallorca në formë huazimi, pastaj Muriqi u ble përfundimisht në vitin 2022.
Lazio fitoi 8 milionë e gjysmë nga shitja e sulmuesit, i cili erdhi nga Fenerbahce në vitin 2020 për një kosto totale prej 21 milionë euro.
Në total, Muriqi ka shënuar 25 gola në 66 ndeshje zyrtare për Mallorca, ndërsa te Lazio nuk shënoi më shumë se 2 gola në 49 paraqitje, shumica si zëvendësues i vonë.
