“Ajo që bëra është e tmerrshme dhe unë marr përgjegjësinë e plotë për të. Mora vendime idiote. Nuk mund ta mendoj apo imagjinoj se çfarë po kalon Annie. U përpoqa ta pyesja, por i shkaktova vuajtje. Burri që supozohej ta donte atë, të kujdesej për të dhe t’i qëndronte pranë, ia bëri këtë”, – deklaroi Kyle Walker për tabloidët britanikë, pas skandalit që mbajti pezull Premier League.
Mbrojtësi i Manchester City do të bëhet baba për herë të katërt, por gruaja e tij shtatzënë ka vendosur të ndahet prej tij. Kur lojtari theu heshtjen në një intervistë, duke mohuar se fëmija i tij i dytë me të dashurën Lauryn Goodman ishte rezultat i një marrëdhënie romantike, u ngritën polemika të reja.
“Nuk kishte asnjë lidhje. Kjo është diçka që Lauryn nuk mund ta thotë kurrë. Ne nuk dolëm kurrë për drekë, nuk shkuam kurrë në kinema. A mund të thotë ajo sa sheqer i kam hedhur kafes, nëse pretendon se kemi dalë bashkë?” Kështu e filloi Walker intervistën për “The Sun”. – Ajo po iu thotë gënjeshtra mediave për famë dhe përfitime financiare”.
Fjalë që e reja, përgjegjëse për t’ia thënë gruas së tij se burri po e tradhtonte me të, nuk do t’i kishte vlerësuar. Në këtë pikë, Lauryn përfshiu avokatët e saj. Sipas një zëdhënësi të Goodman, historia është ndryshe nga mënyra se si e tregon lojtari. ”
Ndërsa nuk dëshiron të hyjë në detaje për gjithçka që futbollisti tha, ajo është e zhgënjyer nga versioni i tij mashtrues i ngjarjeve, i cili ndryshon në mënyrë dramatike nga mënyra se si ajo e kujton marrëdhënien e tyre të dashur, intime dhe afatgjatë.
Pasi lexoi shumë mesazhe të dërguara për t’u siguruar që kujtesa e saj të ishte e saktë, është e hutuar se ai me sa duket i ka harruar shumë nga bisedat e tyre shumë personale dhe kujtimet që kishin me fëmijët, si një familje e vërtetë. Historia që ai po i tregon audiencës nuk është realiteti”, – shpjegoi zëdhënësi.
“Kyle ka folur plotësisht dhe sinqerisht për gabimet e tij dhe situatën reale që përfshin Lauryn.
Ai ka udhëzuar avokatët dhe nuk do të komentojë më mbi historitë e egra dhe të rreme që ajo po promovon në media për publicitetin e saj dhe përfitimet financiare”, – saktësoi një zëdhënës i futbollistit anglez.
