Bozo Mikuliq është mbrojtësi më i ri i Partizanit. 27-vjeçari vjen si lojtar i lirë në kryeqytet, pasi mbylli aventurën me Audan në Lituani. Transferim ky që vjen pikërisht në orët e fundit të merkatos.
Shtatlarti ka luajtur me gjigantin kroat të Hajduk Split, ndërsa më pas ka veshur dhe fanellat e Slaven Belupos dhe Messinës në Itali. Mikuliq njihet për fizikun e tij.
Mbrojtësi i lindur në Split të Kroacisë ka luajtur disa ndeshje dhe me përfaqësuesen U-19 të vendit.
Kujtojmë se te Partizani vjen si afrim i rëndësishëm për qendrën e mbrojtjes, që ka pasur probleme pas dëmtimit të Bytyçit. Po ashtu dhe largimi i Kocijan në dhjetor, detyroi klubin të lëvizte këtë merkato.
