Milani duket se po sheh nje post Giroud dhe ka disa opsione por mes tyre nje te preferuar qe sipas gazetarit te merkatos Matteo Moretto, eshte Joshua Zirkzee qe po shkelqen ne Serie A dhe te Bologna. Ja si shkruan Moretto:
“Milan konsideron Joshua Zirkzee-n si një nga objektivat kryesore për tregun e transferimeve të verës. Më 17 janar ju treguam sesi klubi kuqezi e kishte vendosur sulmuesin holandez në krye të preferencave të tij për sulmin e së ardhmes, dhe sot shtojmë detaje të tjera për këtë çështje.
Milani e di se Olivier Giroud është tërhequr fort nga një përvojë jashtë Evropës në funksion të qershorit, dhe për këtë arsye do nise revolucioni i sulmit. Menaxhmenti i kuqezinjve ka në plan të kontaktojë të agjentin e Zirkzee dhe Bologna për të diskutuar një transferim të mundshëm në funksion të qershorit.
Plani i Milanit është të investojë një total prej 25/30 milionë dhe të fusë disa kompensime në operacion (me sa duket Lorenzo Colombo) për t’iu afruar apo edhe tejkaluar shifrën totale prej 40 milionë eurosh.
Për më tepër, Milani do të luajë edhe kartën e Alexis Saelemaekers, i cili në gusht të 2023 u transferua në Bologna me formulën e rëndë të huazimit (1 milione euro) me të drejtë shlyerje të vendosur në rreth 10 milionë euro.
Një detaj që dëshirojmë t’ju vëmë në dukje lidhet me mundësinë e Bayern Munichut për të përmbushur çdo lloj oferte që vjen ne drejtim te Zirkzee: fjala e fundit i takon djalit, i cili duhet të japë ok për t’u kthyer ose jo në Gjermani.
Dhe deri më sot e kuptojmë që djali nuk është i prirur të rikthehet te Bayerni, sepse dëshiron të jetë titullar, protagonist në klubin e tij të ardhshëm. Konkurrenca e vërtetë – ajo për t’u frikësuar në shtëpinë e kuqezinjve – do të jetë nga Premier League, e cila është një kampionat në të cilin agjenti i Zirkzee ka marrëdhënie të shkëlqyera (Arsenali mbi të gjitha) dhe që mund të ofrojë më shumë edhe ne terma kontrate personale".
