Neuroshkenca për të ndihmuar lojtarët të përballen me presionin e goditjes së penalltisë.
Federata Franceze mund t’i drejtohet disa studiuesve për të zgjidhur problemin e humbjeve në kompeticionet e rëndësishme, të cilat i privuan Les Bleus nga dy tituj të Kupës së Botës (2006 dhe 2022).
Një rrugë që Liverpool ka ndjekur prej disa kohësh: siç zbulon The Athletic, skuadra e Klopp-it i është drejtuar sërish dy neuroshkencëtarëve gjermanë për t’u përgatitur për një seri të mundshme nga pika e bardhë.
Në fakt, nesër do të luhet finalja e Carabao Cup ndaj Chelsea-t, një kundërshtar tashmë i mundur me penallti në vitin 2022 si në fazën finale të FA Cup ashtu edhe në Kupën e Ligës.
Neuroshkencëtarët në fjalë janë Niklas Hausler dhe Patrick Hantschke dhe kanë punuar me Liverpool-in për dy vjet e gjysmë: puna e tyre konsiston në vendosjen e elektrodave në kokën e lojtarëve për të matur aktivitetin e tyre të trurit, me qëllim që t’i ndihmojnë ata të arrijnë një gjendje mendore optimale kur godasin topin.
“Ne ofrojmë këto mjete në mënyrë që kur jepet një penallti, lojtari të jetë në gjendje të menaxhojë të gjitha shpërqendrimet rreth tij dhe të dijë saktësisht se çfarë duhet të bëjë për të shënuar”, shpjegoi Niklas Hausler.
Eksperimenti, siç u përmend, dha frytet e tij dy vjet më parë, kur Liverpool shënoi 17 nga 18 penalltitë e fituara: i vetmi që humbi ishte Sadio Mane në FA Cup.
