Ikona e Real Madridit dhe Brazilit, Ronaldo Nazario e ka zgjedhur katër lojtarët e tij më të mëdhenj të të gjitha kohërave.
Ronaldo është një nga futbollistët më të mëdhenj të të gjitha kohërave, pasi fillimisht luajti te Barcelona para se të kalonte te Interi.
Pikërisht te skuadra italiane ai pësoi dy dëmtime kërcënuese për karrierën në gju..
Megjithatë, ‘El Fenomeno’ rikuperoi nga ato pengesa të mëdha dhe shijoi disa nga vitet më të mira të karrierës së tij si një nga ‘Galacticos’ te Real Madrid.
Ai gjithashtu fitoi Kupën e Botës në 2002 me Brazilin – katër vjet pasi polemika të mëdha rrethuan pjesëmarrjen e tij në finale.
Ronaldo pati probleme shëndetësore disa orë përpara finales kundër Francës, por ishte i aftë për të luajtur nga minuta e parë. Megjithatë, ai nuk pati një ndikim të madh pasi Brazili humbi 3-0.
Tre herë Lojtari i Vitit në Botë qëndroi në Bernabeu për pesë vjet pas suksesit të tij në Kupën e Botës dhe u tërhoq në 2011 pas periudhave me Milan dhe Corinthians.
Me mbi 400 gola në karrierën e tij për klubin dhe kombëtaren, ai është një nga sulmuesit më të mirë që ka luajtur ndonjëherë.
Dhe duke folur në një ngjarje të organizuar nga Santander Bank në 2021, Ronaldo deklaroi zgjedhjet e tij për katër lojtarët më të mëdhenj të të gjitha kohërave.
Ai tha: “Për mua, në klasifikimin e më të mirëve në histori, katër emrat do të ishin Pele, Diego Maradona, Lionel Messi dhe Cristiano Ronaldo.
“Ata janë katër më të mirët në historinë e futbollit”.
Edhe pse kuptohet që ai e la veten jashtë listës së tij, Ronaldo është cilësuar si lojtari më i mirë i të gjitha kohërave nga disa prej bashkëkohësve të tij.
Duke folur në vitin 2021, Zlatan Ibrahimovic i tha Discovery Plus: “Unë gjithmonë them se ju keni lojtarët që luajnë futboll dhe lojtarët që janë futbolli.
“Për mua, Ronaldo është futbolli. Kur e shikon duke luajtur, të gjithë donin të luanin si ai dhe të bëheshin si ai. Për mua, ai është lojtari më i madh në histori, pa dyshim”.
