Mirlind Daku protagonist në Rusi me skuadrën e Rubin Kazan.
Sulmuesi i kombëtares ishte protagonisti kryesor në golin e parë të Rubin Kazan ndaj Lokomotivës së Moskës.
Në minutën e 21, Daku u nis në një aksion personal nga e djathta dhe dribloi me shumë klas një prej mbrojtësve ndërsa radhën e pati portieri, që gjithashtu u kalua me lehtësi nga 26-vjeçari.
Në fund, topin në rrjetë e shtyu shoku i skuadrës, Vada, por merita kryesore ishte e Dakut që duket se po rikthehet në formën e tij më të mirë.
Në këtë sezon, Daku numëron pesë gola dhe tre asistë me fanellën e Rubin Kazan.
