Oliver Kahn, legjenda e futbollit gjerman, ka kritikuar lojtarët e Kombëtares së Gjermanisë, pas performances së dobët të tyre, kundër Holandës.
Ish portieri i Bayern Munich sheh një lloj pasigurie në lojën e lojtarëve.
Ai ka kritikuar në veçanti tre lojtarë. Toni Kroos, Mats Hummels e Jerome Boateng kanë lënë “shije” të keqe tek ish reprezentuesi gjerman.
“Boateng dhe Hummels duken konfuz. Ata kanë bërë shumë gabime” ka thënë Kahn.
Sa i përket yllit të Real Madrid, këto ishin fjalët e Olit për të: “Edhe Toni Kroos në të vërtetë duket se nuk është fare prezent në fushë.”
Lëvdata nga Kahn kishte vetëm për lojtarin e Bayern, Joshua Kimmich.
