Atmosferë e shkëlqyer ishte te Kombëtarja A e Kosovës në hendboll në stërvitjen e radhës, të mbajtur të hënën mbrëma.
Nën urdhrat e selektorit Bujar Qerimi, djemtë tanë kanë punuar me përkushtim e seriozitet maksimal.
Është punuar në elemente të ndryshme, kryesisht taktike, dhe niveli sa shkon e rritet.
Grupi tashmë është thuajse i kompletuar, ndërsa lojtarët dhe shtabi teknik janë të vetëdijshëm që ndaj Britanisë së Madhe pritet paraqitje dhe fitore bindëse.
Kombëtarja jonë vazhdon me stërvitje edhe të martën, ndërsa ndeshja me Britaninë e Madhe është të mërkurën prej orës 20:30 në Pallatin e Rinisë dhe Sportit në Prishtinë.
